حبيبي طيـر فالجنـه ..

ألو مرحب..هلاوالله تفضل معـك انـا اهليـن ***
اخوي ابغى ولي امر الطفل يوسف انـا الدكتـور
تنهدت ودريـت انـه مولـم طعنـة السكيـن ***
وانا من دون سكينه فحزني .. مانـي ب مجبـور
نعم امر يادكتـور وتلفـض لـي بعـد يوميـن ***
تجي معك الطفل يوسف ولاتفوّت عليـه الـدور
سكتَ وقلت يادكْتْوْر انا ويني ويوسف ويـن ***
يادكْتْوْر وينكم عنّه وانا اصرخ لي ثلاث شهور
تجاهلتوه يا ابن الكـل... طنشتـوه يـال.... ***.
على شانه شمالي؟؟ اوعشانه مـو ولـد هامـور
حبيبي مااااات يادكتور قدامـي قبـل شهريـن ***
قبـل شهريـن كفنتـه انـا فيدينـي يادكتـور
زهق من (مجزرة رفحاء)وغذايه وخبـث ايديـن ***
وتعب من (اجهزة عرعر)ومشفى كل ابوه قصور
نخاكم بس يبي منكم سريـر ينـام فيـه شويـن ***
وكسرتوا خاطر الطفل وغدا من خبثكم مخطـور
تكاثرتواعلى يوسـف (هـوا الله) ليـه ياشينيـن ***
كأنه من كثر غبنـه بكـم وادع وهـو مقهـور
حرام انتم بشر واذا بشر فانتـم مـن الضاليـن ***
بلا رحمه.. بـلا دم .. وضميـرٍ فاسـدٍ مقبـور
يا بيخك حيل بايخ يااستشاري المسخره والبيـن ***
فبرودة دم تبغاه يحضر ؟ من وين مـن ه القبـور
قبل مده وقفـت وشافـوا وقوفـي هكالغاليـن ***
رجعت ولا معي يوسف وعّمر هالحزن بصـدور
رجعت لبيتنا ضايق حزين ولادمعـت لـي عيـن ***
لأني لو بكيت امه تموووووت وجيتها مسرور
واقول : اليوم لاتبكين غيـره نُـرزق بعشريـن ***
ويُملا البيت يام يوسف.وانا في داخلـي مذعـور
الى هالحين ماسكرّت علامك؟ وش تبـي هالحيـن ***
عطاك العمر يادْكْتُوُرْ ولا قصّرت بـه مشكـوور
حبيبي طيـر فالجنـه .. قسـم بالله مابـه شيـن ***
حبيبي مات من شهرين .. تخيل مات !! يادكتـور